Newsletter Help
Change language Surigaonon

Unhon para mahimo na membro

Become a KPR member, and enjoy cheaper prices immediately. Register here.

Delivery to 24 countries is now much cheaper. Click here to learn about new shipping fees to your country.

New: Adansonia (Madagaskar), Mga Perenyal, Mga Bolba

Porma sa Rehistrasyon sa Pag-apil

Gusto ko na mahimo na membro sa KPR

Impormasyon para Mahimo na Membro

Sugod Setyembre 2007 pwede na kaw mahimo na membro sa KPR bisan dili kaw makasulti o makasabot sa sinultihan na Slovak.
Sa tuig na 2000, nagsugod kami sa amo klab na naggamit nan sinultihan na Slovak. Sugod na jadto na tuig, mahamuk na kami na mga membro na nuentra gikan sa Slovakya sanan Tsekya.
Kuman pwede na sab nimo magamit an mga benepisyo sa pagka membro sa KPR Slovakya – sanan dili na importante kun sin-o kaw o kon unoy sinultihan nimu na tagsin gamit.
Mudawat kami bisan sin-o sa tibuok kalibutan na hilig nan tanom. Entra na!
Pero ini isa ka babag: Dili nimo mabasa an jornal sa klab na Botanix kon dili kaw kasabot sa bisan hae na sinultihan na jaun an Botanix.
Sa lain sab na punto, hamay marajaw kun maghimo kaw nan imo jornal sa imu sinultihan? Tipuna tanan mga hardiniro na pareho kamo na sinultihan, tapos pagsugod kamu pagsuyat sanan pangolekta nan mga magana na artikulo bahin sa paghardin, mga tanom ubp sanan pagsugod paghimo nan Botanix sa ijo sinultihan!
Wayay makapugong para matuman an imo gusto!
Pero jaoy mga impormasyon na para ra unta sa mga hardiniro na Slovak na dili magamit sa mga mapasu na lugar na tinuod sab kun balihon; sa mga matignaw na lugar, amu na marajaw sab kun jaoy lokal na bersyon an Botanix.

Pag-entra sa KPR Slovakya

Umay karajawan kun mahimo na membro sa KPR.

1. An mga membro sa KPR makahimo nan order na mas marajaw an presyo. Tan-awa an mga ehimplo sa ubos. (Wayay kina-ubsan na limitasyon para sa mga order.)

Presyo para sa mga mimbro nan KPR Presyo para sa mga dili mimbro % diskwento
0,50 € 0,70 € 29%
0,70 € 0,90 € 22%
1,00 € 1,50 € 33%
3 € 4 € 25%

2. Kada membro pwede makakuha nan hangtod 5 ka LIBRE na sampol kada tuig (way labot an mga palmera sanan liso sa mga pitogo sanan mga pinili na kaliwatan) gikan sa Bangko sa mga Liso sanan mga Tanom sa KPR. Jaoy sab 50% na diskwento an mga membro para sa iban na mga sampol (an sukdanan na presyo para sa isa ka sampol kay 1 ka Euro; samtang an presyo para sa mga membro sa KPR kay 0.50 ka Euro ra).

3. Unahon pag proseso an mga order sa mga membro sa KPR sa dili pa an mga dili membro.

4. Jaoy mga libre na konsultasyon sa 11 ka sinultihan sa suyod sa tuig bahin sa pagpatubo sa mga tanom.

5. Puwede nimo gamiton an Abri na Akawnt para sa mga serbisyo.

Abri na Akawnt - Impormasyon bahin sa Abri na Akawnt
An Abri na Akawnt an pinaka-magana na paagi para makapalit sa KPR. Ipadaya mo an kwarta sa dili pa mag-order nan bisan uno – kon maghimo kaw nan order, drecho ra ikuha an bayad sa Balanse sa imo Abri na Akawnt. Pasabot ini, dili na kinahanglan huyatan pa na muabot an bayad para kaw ka order, iputos na drecho, dajun ipadaya an imu tag order. Puwede nimu dugangan nan pondo an imo Abri na Akawnt bisan uno orasa pinaagi sa mga tagdawat na pamaagi sa pagbayad diri.
Kun magdugang kaw nan pondo sa imo Abri na Akawnt ibutang ra lamang an imu personal na numero para kilay-an namu an imu tujo sa pagbayad. Puwede dajun namo dugangan an imo pondo sa imo Abri na Akawnt sa panahon na madawat namo an imo bayad. Way limitasyon sa pagdugang nan pondo sa imo Abri na Akawnt. Puwede dajun nimo gamiton an balanse sa imo Abri na Akawnt sa panahon na madugangan na an imo pondo.
Kon gusto kaw magbayad pinaagi sa imo balanse sa imo Abri na Akawnt, pagbilin lamang nan mensahe na: “An ako order bayran gamit an ako Numero sa Abri na Akawnt XXXXXXX”.
Kuhaan dajun an imo balanse sa imu Akawnt pagkahuman ma proseso an imo order dajun ipadaya human maputos. Pwede nimo pangajuon an pondo sa imo Abri na Akawnt na ibalik sa imo. Pero, hinumdomi na jaoy dugang na bayranan para mahibalik an kwarta sa imo. Way dugang na bayranan kon iuli an kwarta pinaagi sa Paypal; an pinakadako na dugang na bayranan sa pagbalik nan kwarta pinaagi sa moneybookers.com kay 0.50 Euro. Way bayranan kon iuli an kwarta pinaagi sa pagbalhin sa lokal na bangko suyod sa Slovakya sanan Tsekya. Ajaw pagduha duha pagkontak sa amu bahin sa mga bayranan o lain pamaagi sa pagbayad para sa lain nasud. Amo iuli an ijo kwarta gikan sa ijo Abri na Akawnt sa suyod nan 60 ka adlaw human madawat an ijo hangjo.
Nota: Mas makabarato kon gamiton an Abri na Akawnt sa pagbalhin nan kwarta. Kinahanglan ra na magbalhin nan kwarta gikan sa Abri na Akawnt para mabayran an ijo mga order gikan nan ini na akawnt bisan pila pa ka beses.
Jaoy mga pangutana?

6. Kun an ijo mga order sa tuig 2010 musobra sa 80 Euro, pwede kaw magdugang pag order hangtod sa 10 Euro sa mga liso sanan mga tanom na LIBRE!

7. Jaoy loterya kada tuig na may presyo na 50, 30 sanan 15 Euro na libre pang shoping iban sa amu!

...sanan lain pa na mga karajawan na amo ipahibayo sa ijo.

Mga kondisyon sa pag-entra

1. Kinahanglan butangan nan Porma para Rehistrasyon sa Pag-entra sanan magbayad nan tinuig na subskripsyon na 10 Euro sa dili pa muabot an Mayo 31 sa tuig na mu-entra. An kwarta gikan sa mga pag-entra – subskripsyon kay gamiton para sa pagpatubo sa mga aktibidad sa KPR sa tibuok kalibutan.

Bayad sa tinuig na pag-entra para sa 2010:

(An pag-entra balido gikan 1.10.2009 hangtod s 31.12.2010)

Tinuig na Subskripsyon Una na tuig Pag-utro para sa sunod tuig
10 Euro 5 Euro

2. Kinahanglan mubutang kaw nan kinaubsan 2 ka order kada tuig gikan sa Hanjag sa Klab. Way kinaubsan na limitasyon para sa bisan uno na order.

3. Puwede sab nimo bayran an boluntaryo na bayranan iban sa imo subskripsyon sa pag-entra na gamiton gihapon sa pagpadako sa network sa KPR sa tibuok kalibutan.

Intresado na mahimo na membro sa KPR? Sajon ra! Entra dajun kuman. Kumpletoha lamang inin Porma sa Rehistrasyon sa Pag-apil.

Porma sa Rehistrasyon sa Pag-apil

Gusto ko na mahimo na membro sa KPR


Nadugang nimu ini na butang sa imo Shopping Cart.